लन्डन । सोंपाल समाज युकेको ल्होछार कार्यक्रम लण्डनको ग्रिनफोर्डस्थित टाउनहलमा भव्य समारोहबीच सम्पन्न भएको छ ।
शनिबार ४ जनवरी २०२५ मा अध्यक्ष जगदीश गुरुङको अध्यक्षता र शान्ताकुमारी गुरुङको प्रमुख आतिथ्यतामा विभिन्न कार्यक्रमसहित ल्होछार कार्यक्रम सम्पन्न भएको हो ।
कार्यक्रममा तमु धीं युकेका नवनिर्वाचित अध्यक्ष जुमकाजी गुरुङ, उहाँको धर्मपत्नी आमा समूह अध्यक्ष कमलादेवी गुरुङ र निवर्तमान अध्यक्ष हरि गुरुङ, वहाँको धर्मपत्नी आमा समूह निवर्तमान अध्यक्ष सन्ध्या गुरुङ र नेपालबाट आउनुभएका धर्मगुरु धिरबहादुर गुरुङ विशिष्ट अतिथिको रूपमा रहनुभएको थियो । समाजका अनुसार ल्होछार कार्यक्रमको अवसरमा ज्वाइँ, चेलीबेटी तथा भान्जाभान्जीहरुलाई सदाको जस्तै निमन्त्रणा गरिएको थियो भने कार्यक्रमको दौरान जति पनि संस्थाभित्र शिक्षा, प्रमोसन, नयाँ वैवाहिक जोडी, न्यु कमर्स, नयाँ व्यापार/व्यवसायजस्ता विभिन्न क्षेत्रमा सफल हासिल गर्नुहुने व्यक्तिहरुलाई स्वागत तथा सम्मान गरिएको थियो ।
कार्यक्रम औपचारिक र मनोरञ्जनात्मक गरी दुई चरणमा विभाजन गरिएको थियो । औंपचारिक कार्यक्रम संस्थाका महासचिव क्या• मोहन गुरुङले सन्चालन गर्नुभएको थियो भने मनोरञ्जनात्मक कार्यक्रम सांस्कृतिक सचिव सिर्जना गुरुङ र निलम गुरुङले सन्चालन गर्नु भएको थियो ।
मनोरञ्जनात्मक कार्यक्रममा नेपालबाट आउनुभएका राष्ट्रिय कलाकारहरु राजबहादुर गुरुङ, स्थानीय कलाकार निता गुरुङले भरपुर मनोरञ्जन दिलाउनुभएको थियो । भव्य रुपमा सम्पन्न भएको ल्होछार कार्यक्रमको संयोजकत्व उपाध्यक्ष भरत गुरुङले गर्नुभएको थियो ।
अन्त्यमा अध्यक्ष जगदीश गुरुङले कार्यक्रम सफल बनाउन सहयोग गर्नुहुने र उपस्थित सबैलाई धन्यवाद दिनुहुँदै नयाँ वर्षको शुभकामनासहित कार्यक्रम समापन गर्नुभएको थियो ।
