लन्डन । ब्रिटिस गोर्खा भेटेरेन्स एसोसिएसनले श्री बेघा लिम्बु र जोन लाभरिकलाई सम्मान गरेको छ ।
ननिटन तथा बेडवर्थ बरो काउन्सिलका मेयर काउन्सिलर बिल ह्यानकक्सले एक कार्यक्रमका बीच लिम्बु र लाभरिकलाई एसोसिएसनको यस वर्षको उत्कृष्ट र जिम्मेवार सदस्यको रुपमा सम्मानपत्र प्रदान गर्नुभएको हो । लिम्बु र लाभरिकले बितेको वर्षमा संस्थामा खेलेको भूमिकाका लागि उक्त सम्मान गरिएको एसोसिएसनका अध्यक्ष साथै डेपुटी मेयर क्याप्टेन रिटायर्ड, भिम सारुले जानकारी दिनुभयो ।
कार्यक्रममा ननिटनका मेयर काउन्सिलर ह्यानकक्स, श्रीमती मेयरेस शैला ह्यानकक्स तथा एसोसिएनका मुख्य सदस्यहरुको उपस्थिति रहेको थियो । सोही अवसरमा एसोसिएसनका सदस्यहरुलाई मेयरको कार्यकच्य साथै डिबेट गर्ने हलको पनि भ्रमण गराइएको थियो ।
विगत वर्षमा पनि नैन भुजेल साथै एन्डी टेलरलाई सम्मान गरिएको थियो । एक आपसमा सहयोगको भावना बढोस्, अरुलाई पनि प्रोत्साहन मिलोस्, आफूले गरेको कामको मूल्यांकन भएको महसुस होस् साथै समाजको नाम रहोस् भन्ने हेतुले सम्मानको कामलाई अगाडि बढाइएको मेयर सारुले बताउनुभयो ।
