काठमाडौं । आर्थिक पत्रकार तथा लेखक, टक्सार म्यागजिनका प्रधान सम्पादक गजेन्द्र बुढाथोकीको ‘जङ्गबहादुर इन इङ्गल्याण्ड’ पुस्तक सार्वजनिक भएको छ ।
शनिबार काठमाडौंमा आयोजित कार्यक्रममा प्राध्यापक त्रिरत्न मानन्धर, मदन पुरस्कार पुस्तकालयका अध्यक्ष कुन्द दीक्षित, इतिहास अध्येता यादव देवकोटा, लेखक पिता बक्तबहादुर बुढाथोकीलगायतले उक्त कृति विमोचन गर्नुभएको हो ।
जङ्गबहादुर राणा पुस ४ मा बेलायत पुगेको १७५ वर्ष पुगेको अवसर भएकाले यही हप्ता किताब सार्वजनिक गरेको लेखक बुढाथोकीले बताउनुभयो। उहाँले राणाकालको आर्थिक मुद्दा खोल्ने क्रममा पुस्तक तयार भएको सुनाउनुभयो ।
