हेलो !
गुड मर्निङ दाइ, उठियो ?
उठियो यार, केटाकेटीले के सुत्न दिन्छन् र ?
हा! हा! त्यै त । म भर्खर मर्निङ वाक बाट फर्केको, यस्सो दुध पाउरोटी बोकेर । घाम त मज्जाले लागेको छ नि, के छ प्लान ?
खासै क्यै सोच्या छैन यार, यिनै केटाकेटीको मेसो मेलो मिलाउंदै ठिक्क छ । तिम्ले के विचार गरेका छौ र ?
टेम्प्रेचर अठार बिस डिग्री हुन्छ, पानी पर्दैन भन्दैछ मेरो मोबाइलले, कि जाने हो विच तिर ? नजिकैको जाउंला नि । जांदा म कुदाउंछु फर्किंदा तपाईं कुदाउनु ।
केटाकेटी छन् यार, तिम्री भाउजुलाई आज काममा बोलाइदियो । लगेर के जानु, पर्तिर दिदीकोमा आउट अफ लण्डनबाट पाहुना आ’छन् रे, त्यहाँ छोड्न मिलेन ।
ज्या है !
अठार बिसमा पानी तेत्ती तातो हुंदैन, विच अलि पछि जाउंला जुन जुलाई तिर । आज भैगो । बरु नाइट स्टे गर्ने गरि जाउंला नि । नत्र पिउन पाईंदैन विचमा गएर पनि ।
तेसो भए कुखुरा पोल्ने त दाइ ? दिनभरी घाम लाग्छ, विण्ड पनि खासै छैन ।
हो तेसै गरौं । बरु मेरोमा आउ तिमी । बैनी र नानीलाई पनि लिएर आउ । केटाकेटी खेल्छन् हामी बार्बिक्यु गरौंला ।
हस् ! भाउजु कतिखेर आउनुहुन्छ त ?
दुइ बजे
ल म अलि अगाडी नै आउंला, यता बैनीहरु भाउजु आउने बेला तिर आइपुग्लान् । कोइला छ कि छैन ?
कोइला थोरै मात्रै छ होला यार । पुग्दैन । फ्युल त छ ।
क्यै छैन दाइ, म चिकेन र कोइला पनि ल्याउंछु नि त । दाइ त स्टेला नै लिनु हुन्छ नि हैन ?
हो!, तर तिमिले ल्याउनु पर्दैन । अस्ती अफरमा तिन केस किनेर राखेको छु । बरु अैले नै फ्रिजमा राख्दिहाल्छु । तिम्लाई चिल्ड नभइ हुंदैन ।
हा! हा! हुन्छ दाइ । म गुरुङ र भैरे लाई पनि लिएर आउंछु ल ?
तिम्ले तास पनि खेल्ने बिचार गरेउ कि के हो ? बार्बिक्यु गरेको दिन तास चाहिं नखेलुम् । परिवार रिसाउंछन् क्या !
ह्या ! त्यस्तो हैन, केटाहरुको कम्पनी रमाइलै हुन्छ नि त्यसैले ।
ल ल, गुरुङ पनि आउंछ भने पोर्क पनि लिएर आउ है ? चिकेन बुचरको बाट ल्याएपनि पोर्क चाहिं टेस्कोबाट ल्याउ ल ? केटाकेटीलाई ससेज पनि ल्याइदेउ ।
हुन्छ दाइ । अरु क्यै चाहिन्छ ?
चाहिंदैन ।
ल त, म अस्ती आमाले पठाइदिएको तामा अलिकति पनि लिएर आउंछु, भाउजुलाई कोसेली ।
ओ के सि यु !
सि यु ! दाइ
