अमेरिकामा लुटपाट गरी नेपालीको हत्या

वाशिङटन डिसी, ८ माघ – अमेरिकाको टेक्सास राज्यको स्टोरमा काम गर्दै आएका ३५ वर्षीय मनिष पाण्डेको शनिबार राति बन्दुकधारीले आक्रमण गरी हत्या गरेका छन् ।

टेक्सासको ब्रोडवे ब्लुबर्ड नजिकको स्टोरमा कार्यरत पाण्डेलाई राति १२ बजे आएका दुई लुटेराले आक्रमण तथा लुटपाट गरी हत्या गरेका हुन् । उनी केही समयअगाडि नेपालबाट आएका थिए । सन् २०११ मा स्थापना भएको उक्त स्टोर बन्द गर्ने बेलामा लुटेरा मास्क लगाएर स्टोर प्रवेश गरेका थिए ।

प्रहरीले लुटेरा समूहको खोजी कार्य जारी रहेको बताएको छ ।

लुटेरा समूहले दुई वर्षअगाडि टेक्सासमा नै समिरा शिवाकोटीको गोली हानी हत्या गरेका थिए ।