स्वामी आनन्द अरुण
प्रेम बाड्ने पेशा जसको
करुणा बोल्छ आँखाबाट ।
यस युगलाई अमुल्य उपहार
नेपाल आमाको काखबाट ।।
मृत्यु रोज्नेले बाँच्न सिके
रुनेहरु हाँस्न सिके ।
हजुरको सामिप्यले
दु:खी पनि नाच्न सिके । ।
माँ प्रेम सरिता
अध्यात्म र ध्यान सिक्न
सबै तपोबन जाउँ भन्छन् ।
पुण्य मनको परिश्रमले नै
यस्ता तपोभूमि बन्छन् ।।
संसारको रित यस्तै
बुद्धपुरुष ओझेल पर्छन् ।
जब हुन्न भौतिक देह
अर्थ बुझ्छन् खोजी गर्छन् ।।
विचार सबै मनको उपज
भित्र जे छ तेही लेख्छन्।
भुल्छन् शितलता चन्द्रमाको
बेहोसीमा दाग देख्छन् ।।
काँडाको त धर्म घोच्ने
फक्रिरहुन् फूलहरु ।
यात्रा चलोस् निरन्तर
होस सिकाउने अथक गुरु ll
डार्टफोर्ड, युके
(७५ वर्षको उमेरमा पनि करुणापूर्वक लाखौंलाई ध्यानको ज्योति बालेर जिन्दगी उज्यालो बनाउन सहयोग गरिरहनु भएका श्रद्धेय बोधिसत्व स्वामी आनन्द अरुणप्रति समर्पित)
