बेलायतको नयां आप्रवासन नियम: यसरी हुंदैछ परिवर्तन

बेलायत सरकारले सार्वजनिक गरेको नयां 
आप्रवासन योजनाको व्यवसायिक संघसंस्था तथा विपक्षी राजनीतिज्ञहरुले कडा विरोध गरेका छन् । लन्डन मेयर सादिक खानले नयां नियमले निर्माणदेखि वृद्ध वृद्धाको स्याहार र आतिथ्यदेखि खुद्रा विक्री क्षेत्रसम्म अर्थतन्त्रमा ठूलो क्षति पुग्ने जनाएका छन् । यूके हस्पिटालिटी नामक व्यवसायिक संस्थाले नयां नीति ब्रिटिश होटल, रेस्टुरां, बारहरुका लागि विध्वंशक हुने जनाएको छ । लन्डन च्याम्बर अफ कमर्सले भने सरकारको घोषणाको स्वागत गर्दै सरकारले व्यवसायीका गुनासा सम्बोधन गर्न शुरु गरेको जनाएको छ ।