लण्डन । बेलायतको लिवरल डेमोक्रयाटिक पार्टीको नेतामा सर एड डाभे निर्वाचित भएका छन् ।
उनले कुल मतको ६३ दशमलव ५ प्रतिशत र उनका प्रतिस्पर्धी लाइला मोरोनले ३६ दशमलव ५ प्रतिशत मत पाएका थिए ।
गत डिसेम्बरको आम निर्वाचनमा पार्टीका नेता जो स्वीन्सन पराजित भएपछि उनले राजिनामा दिएकी थिइन् । त्यसयता सर डाभे कार्यबाहक नेताको जिम्मेवारीमा थिए ।
पार्टीले नयाँ नेता चयनका लागि १ लाख १७ हजार ९२४ मतपत्र जारी गरेको थियो । जसमध्ये ५७ दशमलव ६ प्रतिशत मतदान भएको थियो ।
सर डाभेले ४२ हजार ७५६ मत र मोरानले २४ हजार ५६४ मत पाएको थिइन् ।
