अस्ट्रेलिया र भारतबीच स्वतन्त्र व्यापार सम्झौता 

क्यानबेरा । अष्ट्रेलिया सरकारले शनिबार भारतसँग व्यापार सम्झौता गर्ने सहमति गरेको छ ।

अस्ट्रेलिया-भारत आर्थिक सहयोग र व्यापार सम्झौतालाई प्रधानमन्त्री स्कट मोरिसनले प्रमुख आर्थिक वरदानको रूपमा स्वागत गर्नु भएको छ।

सम्झौताले भारतमा अस्ट्रेलियाको निर्यातको ८५ प्रतिशतमा ट्यारिफ हटाउने छ ।

भारत २०२० मा अष्ट्रेलियाको सातौं ठूलो व्यापारिक साझेदार थियो । दुईतर्फी व्यापारको मूल्य २४.३ बिलियन अस्ट्रेलियन डलर (१८.२ बिलियन अमेरिकी डलर) थियो। संघीय सरकारले सन् २०३५ सम्ममा भारतलाई शीर्ष तीन व्यापार बजार बनाउने योजना अघि सारेको थियो।
मोरिसनले एक विज्ञप्तिमा सम्झौताले अष्ट्रेलियाली उत्पादकहरू र सेवा प्रदायकहरूका लागि ठूलो व्यापार विविधीकरण अवसरहरू सिर्जना गर्ने आशा ब्यक्त गरेका छन् । यद्यपि अष्ट्रेलियन ब्रोडकास्टिङ कर्पोरेसनका अनुसार डेयरी र गाईको मासुलगायतका प्रमुख कृषि निर्यातलाई अन्तरिम सम्झौताबाट बाहिर राखिएको थियो।

मिडिया विज्ञप्तिमा दुवै देशले पूर्ण बृहत् आर्थिक सहयोग सम्झौताको दिशामा काम गर्न जारी राख्न सुझाव दिएको छ।