अन्तर्राष्ट्रिय रेडक्रसले नेपाललाई ४५ वटा एम्बुलेन्स दिने

काठमाडौँ । रेडक्रस तथा रेडक्रिसेन्ट सोसाइटीको अन्तर्राष्ट्रिय महासङ्घ (आइएफआरसी) ले नेपाललाई ४५ वटा एम्बुलेन्स दिने भएको छ ।
सन् २०२३ मा नेपाल रेडक्रस सोसाइटीमार्फत ३० नयाँ एम्बुलेन्स र १५ स्तरोन्नति गरिएका एम्बुलेन्स हस्तान्तरण तयारी गरेको बताइएको छ । ती एम्बुलेन्स ग्रामीण क्षेत्रमा उपयोग गरिने जनाइएको छ । ती एम्बुलेन्स नेपाल भित्रिसकेको उसले जनाएको छ ।
यस परियोजनाका लागि अनुमानित स्वीस फ्रयाङ्क करिब १२ लाख (रु १६ करोड ७८ लाख) रहेको उसले जनाएको छ । आइएफआरसीले २०२२ मा नेपाल रेडक्रसलाई ‘डबल क्याबिन’ भएका १० ‘पिकअप गाडी’ हस्तान्तरण गरेको थियो ।