काठमाडौँ । बेलायतका लागि नेपाली नवनियुक्त राजदूत चन्द्रकुमार घिमिरेले शपथग्रहण गर्नुभएको छ ।
राष्ट्रपति रामचन्द्र पौडेलसमक्ष सोमबार घिमिरेलेसहित विभिन्न देशका लागि नवनियुक्त राजदूतहरुले पद तथा गोपनीयताको शपथ लिनुभएको हो ।
राष्ट्रपति कार्यालयमा आयोजित एक समारोहमा संयुक्त अधिराज्य (बेलायत)का राजदूत चन्द्रकुमार घिमिरे, रुसी महाङ्घका लागि नवनियुक्त राजदूत जङ्गबहादुर चौहान, स्पेनका राजदूत शनिल नेपाल, गणतन्त्र कोरियाका राजदूत डा शिवमाया तुम्बाहाङ्फे र गणतन्त्र भारतका राजदूत डा शङ्करप्रसाद शर्माले राष्ट्रपति समक्ष पद तथा गोपनीयताको शपथ ग्रहण गर्नुभएको राष्ट्रपति कार्यालयले जनाएको छ ।
त्यस अवसरमा नेपाल सरकारका उच्च पदस्थ अधिकारीहरुको समेत उपस्थिति रहेको जनाइएको छ ।
